काठमाडौं । भारत उडिसामा फेरि एक नेपाली विद्यार्थीको मृत्यु भएको छ । त्यहाँस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी)मा नेपाली विद्यार्थी प्रिसा साह मृत भेटिएकी हुन् । उनको निधनबारे कारण खुलिसकेको छैन । साह विरगञ्ज निवासी हुन् ।
यसअघि गत वर्ष फागुनमा पनि केआईआईटीमा अध्ययनरत २० वर्षीया नेपाली विद्यार्थी प्रकृति लम्साल होस्टलमा मृत फेला परेकी थिइन् । भैरहवाकी लम्सालले मानसिक दुर्व्यवहार र ब्ल्याकमेलका कारण आत्महत्या गर्नुपरेको सुसाइड नोट भेटिएको थियो ।