काठमाडौं । मंगलबार नेपाल स्टक एक्सचेञ्च नेप्से दोहोरो अंकले बढेको छ । आज नेप्से परिसूचक १ दशमलब २४ प्रतिशत अर्थात ३३ दशमलब ४१ अंकले बढेर २ हजार ७१६ दशमबल ६६ विन्दुमा पुगेको छ । नेपाल धितोपत्र बोर्डमा नयाँ अध्यक्षको रुपमा सन्तोष नारायण श्रेष्ठ नियुक्त भएसँगै पहिलो दिन नै बजारमा दोहोरो अंकको बढोत्तरी भएको हो । यो दिन नेप्सेसँगै कारोबार रकम पनि बढेको छ । आज ७ अर्ब ४४ करोड ९८ लाख रुपैयाँभन्दा बढीको कारोबार भएको  छ । अघिल्लो दिन भने ६ अर्ब ३४ करोड बढीको सेयर कारोबार भएको थियो । आज सबै सेक्टरमा हरियाली छाएको छ । कारोबार रकमका आधारमा आज नेपाल फाइनान्स शीर्ष स्थानमा रहेको छ। सो फाइनान्सको यस दिन ४५ करोड ७८ लाख रुपैयाँ बराबरको शेयर कारोबार भएको छ। त्यस्तै, यस दिन ङादी ग्रुप पावरको ३३ करोडभन्दा बढीको शेयर किनबेच भएको छ भने एनआरएन इन्फ्रास्ट्रक्चर एण्ड डेभलपमेन्टको करिब २९ करोडको शेयर खरिदबिक्री भएको छ।