टी-२० आई सिरिजको दोस्रो खेलमा नेपालले घरेलु टिम अमेरिकासामु १ सय ७१ रनको चुनौती प्रस्तुत गरेको छ ।

डालसस्थित ग्रान्ड प्रेरी मैदानमा टस जितेर पहिले ब्याटिङ रोजेको नेपालले नेपालले निर्धारित २० ओभरमा ६ विकेटको क्षतिमा १७० रनको योगफल तयार पारेको हो ।

नेपालका लागि कुशल भुर्तेल ९२ रनमा अविजित रहे । ५४ बल खेलेका भुर्तेलले ७ चौका र ६ छक्काको मद्दतमा ९२ रन जोडेका हुन् । यस्तै, अनिल साहले २५, गुल्सन झाले १९, कप्तान रोहित पौडेलले १८ रन जोड्दा करण केसी ६ रनमा अविजित रहे ।

अमेरिकाका लागि जसदिप सिंह र नोस्थुस केन्जिगेलले समान २-२ तथा सौरव नेत्रवल्करले १ विकेट लिए । यसअघि नेपालले सिरिजको पहिलो खेलमा अमेरिकालाई १७ रनले पराजित गरेको थियो ।

घरेलु टिम अमेरिकाले केहीबेरमा जवाफी ब्याटिङ गर्नेछ ।