हेटौंडा । हेटौंडा–काठमाडौं जोड्ने सबै सडकहरु अवरुद्ध भएका छन् । तीन दिनदेखि परेको अविरल वर्षाका कारण त्रिभुवन राजपथ हेटौंडा–पालुङ–नौबिसे सडक खण्ड अवरुद्ध छ ।
कान्तिलोकपथ सडक खण्डको बकैया गाउँपालिका १२ घट्टेपाखा र ११ नम्बर वडाको लाम्राङ, आपचौरमा पहिरोको कारण र भिमफेदी गाउँपालिका(८ स्थित वाग्मती खोलाको पुल कटान गरी सडक पूर्ण रुपमा अवरोध भएको छ ।
दक्षिणकाली छैमले सिस्नेरी सडक खण्डअन्तर्गत ईन्द्रसरोवर गाउँपालिका(३ रामचन्द्र भञ्याङमा पहिरो खसी कुलेखानी–फाखेल–फर्पिङ बाटो पुर्ण रुपमा अवरोध भएको प्रहरी निरीक्षक सापकोटाले बताए ।
थाहा नगरपालिका–५ दामनमा पहिरो जाँदा सडक अवरुद्ध हुन पुगेको जिल्ला प्रहरी कार्यालय मकवानपुरले जानकारी दिएको छ ।
दक्षिणकाली छैमले सिस्नेरी सडक खण्डकै ईन्द्रसरोवर गाउँपालिका(२ सिमखोलास्थित लच्कामा सिमखोलमा आएको बाढीले कटान गरी कुलेखानी–सिस्नेरी–फर्पिङ बाटो पूर्ण रुपमा अवरुद्ध भएको प्रहरीले जनाएको छ ।
कुलेखानी मार्छु भित्रि सडक खण्डको इन्द्रसरोवर गाउँपालिका–१ सिम्लाङमा पहिरोको कारण थानकोट–कुलेखानी बाटो पूर्णरुपमा अवरोध भएको छ ।
भीमफेदि गाउँपालिका–४ रातोमाटे, भीमफेदी–६ ढोकाफेदीमा पहिरो खसी हेटौंडा –कुलेखानी जोड्ने बाटो पूर्ण रुपमा अवरोध भएको प्रहरी मकवानपुर प्रहरी कार्यालयले जानकारी दिएको छ ।
यस्तै, आधा दर्जन ठाउँमा पहिरो जाँदा फाखेल–हुमाने–चखेल मातातिर्थ सतुङगल सडक खण्ड पनि अवरुद्ध भएको छ ।
