काठमाडौं । नेपाली महिला राष्ट्रिय भलिबल टिमले पहिलो पटक भारतविरुद्ध जित निकालेको छ । नेपाली टिमले काभा महिला नेसन्स लिगमा भारतविरुद्ध ऐतिहासिक जित निकालेको हो ।
त्रिपुरेश्वरस्थित राष्ट्रिय खेलकुद परिषद् ९राखेप० परिसरमा रहेको कभर्ड हलमा सम्पन्न प्रतिस्पर्धात्मक खेलमा नेपालले भारतलाई ३–२ को सेटमा हराएको हो । नेपालले २५–१८, १२–२५, २५–१७, १८–१८, १५–१३ को स्कोरमा भारतलाई हराएको हो ।
कभर्डहलमा भरिभराउ खेलको पहिलो सेटमा नेपालले कुनै पनि बेला भारतलाई अग्रता बनाउन दिएन ।
पहिलो सेटमा नेपालले ६–११ को स्कोरसहित पाँच अंकको अग्रता बनाउँदा दबाबमा आएको भारतले पहिलो टाइमआउट लिएको थियो ।
तर, यसपछि भारतले लगाता अंक जोड्दै स्कोर ११–१३ मा ल्याउँदा नेपालका प्रशिक्षक जगदीश भट्टले पहिलो टाइमआउट लिएका थिए । पहिलो सेटमा नेपालले सर्भिसबाट दुई अंक मात्र गुमाएको थियो ।
नेपालले २३–१८ को अग्रता बनाउँदा पुनः भारतले दोस्रो पटक टाइमआउट लिएको थियो । तर, यसपछि पनि नेपालले लगातार दुई अंक जोड्दै सेट आफ्नो पक्षमा पारेको हो । महिला भलिबलको इतिहासमा नेपालले भारतविरुद्ध पहिलो सेट जितेको यो पहिलो पटक हो ।
तर, दोस्रो सेटमा भने नेपालले पहिलो सेटको लय कायम राख्न सकेन । दोस्रो सेटमा भने भारतले सुरुआतमै २–० को अग्रता बनाएको थियो । दोस्रो सेटमा भारतविरुद्ध ६–८ ले पछि पर्दा नेपालका प्रशिक्षक भट्टले पहिलो पटक टाइमआउट लिएका थिए ।
भारतले दोस्रो सेटमा भने १४–९ को स्थितीसहित पाँच अंकको अग्रता बनाएको थियो । यही स्थितीमा नेपालका प्रशिक्षक भट्टले दोस्रो पटक टाइमआउट लिएका थिए । यसपछि नेपालले तीन अंक जोड्दा भारतले ११ अंक जोड्दै सेट जितेको हो ।
दोस्रो सेटमा पनि नेपालले सर्भिसमा दुई अंक गुमाएको थियो । तर, तेस्रो सेटमा पुनः नेपालले लय फर्काएको थियो ।
तेस्रो सेटमा नेपालले १०–७ को अग्रता बनाउँदा भारतले पहिलो टाउमआउट लिएको थियो । पुनः नेपालले १७–९ को अग्रता बनाउँदा भारतले दोस्रो पटक टाइमआउट लिएको थियो ।
तेस्रो सेटमा नेपालल सर्भिसबाट तीन अंक गुमाएको थियो ।
चौथो सेटमा भने भारतले पुनः पुनरागमन गर्यो । भारतले चौथो सेट २५–१८ ले जितेपछि खेल पाँचौ सेटसम्म लम्बिएको हो । चौथो सेटमा नेपालले सर्भिसबाट एक अंक गुमाएको थियो ।
पाँचौ तथा निर्णायक सेट नेपालले १५–१३ ले जितेको हो । सुरुमै नेपालले २–० को अग्रता बनाएको थियो । यसपछि स्कोर नेपालतर्फ ५–२ हुँदा भारतका प्रशिक्षकले पहिलो पटक टाइमआउट लिएका थिए । तर, भारतले स्थिती ७–८ मा ल्याएपछि नेपालका प्रशिक्षकले पहिलो पटक टाउमआउट लिएका थिए ।
पाँचौ सेटमा सर्भिसबाट नेपालले एक अंकमात्र गुमायो ।
