काठमाडौं । काभा महिला भलिबल नेसन्स लिगमा नेपालले विजयी सुरुवात गरेको छ ।
बिहीबार त्रिपुरेश्वरस्थित राखेपको कभर्ड हलमा भएको उद्घाटन खेलमा श्रीलंकालाई हराउँदै घरेलु टोली नेपालले विजयी सुरुवात गरेको हो । विजयी सुरुवात गर्ने क्रममा नेपालले श्रीलंकालाई ३-० को सोझो सेटमा पराजित गर्यो ।
पहिलो सेट २५-१९ ले जितेको नेपाल दोस्रो सेट २५-१८ को जित निकाल्न सफल भयो । त्यसपछि तेस्रो सेटमा नेपालले श्रीलंकालाई २५-१९ ले हराएको थियो । दोस्रो खेलमा नेपालले भारतको सामना गर्नेछ । भारतविरुद्धको खेल शनिबार दिउँसो ३ बजे सुरु हुनेछ ।
नेपालसहित ५ राष्ट्र सहभागी प्रतियोगिता २३ साउनसम्म चल्नेछ । प्रतियोगितामा नेपालसहित भारत, श्रीलंका, इरान र माल्दिभ्स सहभागी छन् ।
२०८१ श्रावण १७, बिहीबार १७:३३ गते
1 Minute
237 Views
