काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी निर्वाचनको कसैसँग गठबन्धन नगर्ने गरी तयारी गरेको उनले बताएका छन् । पार्टी कार्यालयमा नव प्रवेशी कार्यकर्ताहरुलाई पार्टीमा स्वागत गर्दै उनले यस्तो बताएका हुन् ।

प्रतिपक्षीमा हुँदा आफू झन उच्च मनोबलका साथ अघि बढेको भन्दै बरु सरकार जानेहरु हारेको जस्तो मनस्थितिमा रहेको उनले बताए ।
अहिले बनेको सरकार भ्रष्टहरुको गठजोठ भएकाले जनतालाई यस विषय जानकारी बनाउनुपर्ने उनले बताए । पार्टी प्रवेश गराउदै उनले भने,‘यस्तो महत्वपूर्ण समयमा तपाईंहरू पार्टीमा आउनुभएको छ । यसले फेरि माओवादीलाई शक्तिशाली बनाएर देशमा सुशासन कायम गर्न महत्वपूर्ण सन्देश दिनेछ ।’