काठमाडौं ।
अख्तियार दुरुपयोग अनुसन्धान आयोगले ललितपुर महानगरपालिकाका प्रमुख चिरिबाबु महर्जनलाई हाजिर हुन पत्र काटेको छ । बाढी पीडितलाई एकलौटीरुपमा चार लाख रुपैयाँ दिएको उजुरी परेपछि अख्तियारले हाजिर हुन पत्र काटेको हो ।

महानगरले हिजो मात्रै आयोगका आयुक्त डाक्टर सुमित्रा अमात्यले सार्वजनिक जग्गा मिचेको भन्दै उनको घरको पर्खाल भत्काएको थियो ।

आयोगले महानगर प्रमुख महर्जनले बाढी पीडितलाई सहयोग दिएको, महानगरमा प्रेस सल्लाहकार–संयोजक नियुक्ति र एसइईमा बढी नम्बर ल्याउने विद्यालयलाई पुरस्कृत गरेको विषयमा बयान लिन खोजेको बताएको छ ।