काठमाडौं । नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डले एकीकृत समाजवादीसँग पार्टी एकता हुने बताएका छन् । समाजवादीको महाधिवेशनलाई सम्बोधन गर्दै दाहालले पार्टी एउटै बनाउने चाहना रहेको बताएका हुन् ।
तत्कालीन प्रधानमन्त्री केपी ओलीले संसद भंग गरेदेखि नै माधव नेपाल समूहसँग सँगै रहेको स्मरण गर्दै उनले भने, ‘नेकपा एकीकृत समाजवादी र माओवादी बीचमा निर्वाचनअघि, निर्वाचनपछि र आजका मितिसम्म पनि हामी एउटै मोर्चामा बसेर सकेसम्म एउटै पार्टी बनाउने प्रयास गरिरहेका छौैं, ‘मलाई लाग्छ यो महाधिवेशनले यो विषयमा ठोस निर्णय गरोस् ।’
आफू पार्टी एकताको पक्षमा लागेको भए पनि समाजवादीको दस्ताबेजमा प्रचण्डलाई अस्थिर भनेको प्रति भने उनको असन्तुष्टी थियो । । सम्बोधन कै क्रममा आफू नेतृत्वको सरकारले सुरुदेखि नै भ्रष्टाचार विरोधी काम गरिरहेको दाबी गरे ।