समूह चरणको अन्तिम खेलमा बराबरीमा रोकिए पनि इंग्ल्यान्ड समूह विजेता बन्दै युरो–२०२४ को अन्तिम–१६ मा प्रवेश गरेको छ ।

मंगलबार राति भएको खेलमा स्लोभेनियाले ग्यारेथ साउथगेटको टोलीलाई गोलरहित बराबरीमा रोकेको हो । तीन खेलबाट पाँच अंक जोडेको इंग्ल्यान्ड शीर्ष स्थानमा छ । यो समूहबाट डेनमार्क पनि दोस्रो स्थानमा रहँदै प्रि–क्वार्टरफाइनलमा स्थान सुनिश्चित गरेको छ ।

मंगलबार राति नै भएको खेलमा डेनमार्क पनि सर्वियासँग गोलरहित बराबरीमा रोकिएको थियो । दोस्रो स्थानको डेनमार्कले तीन खेलबाट तीन अंक जोडेको छ । समान खेलबाट तीन अंक नै जोडेको स्लोभेनियाले पनि प्रि–क्वार्टरफाइनलमा स्थान बनाएको छ । पुछारको सर्विया भने प्रतियोगिताबाट बाहिरिएको छ ।

सर्वियाले तीन खेलबाट दुई अंक जोडेको छ ।