नेपाली कांग्रेसका नेता तथा सांसद अर्जुननरसिंह केसीले वर्तमान गहृमन्त्री रवि लामिछाने आफै भ्रष्टाचारका कारण चर्चामा रहेको बताएका छन् । न्यु
नतम साझा कार्यक्रममा भ्रष्टाचारको छानबिन गर्ने लेखिएपनि बरु उल्टै आफै गृहमन्त्री चाहिँ भ्रष्टाचारको अभियोगमा चर्चित बनेको उनको भनाई थियो ।
साच्चिैकै भ्रष्टाचारको विरोधमा काम गर्न खोजेको भए २०४७ सालदेदि २०५८ सालसम्मको लम्साल आयोग सिफारिस गरेका प्रतिवेदन कार्यान्वयन गर्न चुनौति दिन्छु, सांसद केसीले भने ।
गृहमन्त्रीले भने जस्तै भ्रष्टाचार विरोधी काम गर्न चाहेको हो भने प्रतिवेदन सार्वजनिक गर्दै अख्तियारलाई सिफारिस गर्न पनि उनको चुनौति थियो ।
प्रतिनिधिसभाको बैठकमा बोल्दै नेता केसीले सत्ता गठबन्धनमै आबद्ध नेताहरु पर्नसक्ने भएकाले त्यो प्रतिवेदन सार्वजनिक गर्न नसक्ने पनि दाबी गरे ।
सांसद केसीले गृहमन्त्रीले विधि र पद्धतिभन्दा बाहिर गएर प्रहरीमा सरुवाको आतंक मच्चाएको आरोप लगाए ।
