चितवन।
उपनिर्वाचन २०८० को निर्वाचनमा चितवन स्थित पुराना स्थापित पार्टीका उम्मेदवारहरु जमानत जफत हुनबाट जोगिएका छन् ।
खसेको कुल मतको १० प्रतिशत प्राप्त गर्नुपर्ने हुन्छ । जसका लागि एक उम्मेदवारले कम्तीमा ७ हजार ७ सय मत कटाउनु पर्ने हुन्छ । यस पटक एमाले र काङ्ग्रेसका उमेदवारको आठ हजार माथि मत ल्याउने भएका छ्न् ।
कुल ७८ हजार २७७ खसेको मतमध्ये ६७ हजार १८ मत गणना भइसकेको छ । अहिलेसम्म एमालेका उम्मेदवार रामप्रसाद न्यौपानेले ८ हजार ५७४ र काँग्रेसका उम्मेदवार जितनारायण श्रेष्ठले ८ हजार ८२३ मत प्राप्त गरेका छन् ।
राष्ट्रिय स्वतन्त्र पार्टीका सभापति तथा उम्मेदवार रवि लामिछानेले ४७ हजार ५७४ मत प्राप्त गरेका छन् । अब ११ हजार २५९ मत गणना बाँकी छ । ३८ हजार ७५१ मतान्तरले लामिछाने अगाडि छन् ।
— गोरखापत्र अनलाइन
२०८० बैशाख १२, मंगलवार १२:२२ गते
0 Minutes
269 Views
